30.12.2019 г.(понеделник) Претпоследниот ден од старата година во нашето училиште освен драма, имаше и забава. На иницијатива од наставници и ученици се подготви првата предновогодишна забава по многу години пауза. Во Концертната сала на новиот објект заеднички се дружеа и забавуваа наставниците, учениците, директорот, стручната служба … сите. За забавата беше организирана пристојна закуска. Музиката ја подготви ученикот Јаков Алексовски од трета година, па расположението беше на завидно ниво. Се надеваме оваа предновогодишна забава да прерасне во традиција!